إلى أمي..من متغرب

من طرف **moh_mah_ali** الجمعة أغسطس 29, 2008 7:53 pm

تذكرتج ييمه وصبت العين
والعايش غريب طلابته طلابه
لا خل لا اخو لاصاحب وياي
وتسله بدموعي الغدت سجابه
اتسله ويه طيفج من يجيني الليل
ويتيه الفكر ليليه بحسابه
تمنيتج ييمه هنانه يمي اليوم
وجفوفج تصوغ الجرحي عطابه
مرسوم الوطن يا يمه وسط العين
والبغداد يمه الروح طلابه
حرامي الجان راح واندعينه يروح
بس يمه اجتكم وادم ذيابه
ييمه اعله الوليمه اتنوح هاي الناس
ما تعرف وطن ما تحجي بمصابه
على رسم الفلس اتعوف حتى الدين
وتكفر بالعراق ومايه وترابه
يا يمه السوالف بيه محبوسات
خليني غريب وعايش بغابه
خليني اعله ناري وناري بالدلال
ولو نار البعد يا يمه لهابه

الله يعين امهاتنا على فراكم

تحياتي المجروحه